பூட்டி இருந்த கோவில்கள் முன்பு திரண்ட பக்தர்கள்

காரைக்குடி கொப்புடைய நாயகி அம்மன் கோவில் பூட்டப்பட்டு இருந்ததால் கோபுரத்தை தரிசித்த பெண்கள் கோவில் தெப்பக்குளம் படித்துறை பகுதியில் அர்ச்சனை செய்து புதிய மஞ்சள் கயிற்றை(தாலி கயிறு) தங்கள் கழுத்தில் அணிந்து கொண்டனர். காரைக்குடி மீனாட்சிபுரம் முத்துமாரியம்மன் கோவில் முன்பு பெண்கள் மஞ்சள் கயிற்றை அணிந்து கொண்டனர்.காரைக்குடி கணேசபுரம் மாரியம்மன் கோவிலில் ஆடிப்பெருக்கு விழாவையொட்டி 108 பெண்கள் கலந்துகொண்ட சுமங்கலி பூஜை  நடைபெற்றது.
இதையொட்டி அம்மன் சிறப்பு அலங்காரம் செய்யப்பட்டு பல்வேறு பூஜைகள் நடைபெற்றது. இதேபோல் சிவகங்கை மாவட்டத்தில் உள்ள அனைத்து பிரசித்தி பெற்ற கோவில்களிலும் நேற்று பக்தர்கள் கோவில்கள் முன்பு விளக்கேற்றி சாமி தரிசனம் செய்தனர். இதேபோல் கிராமங்களில் ஆடி பெருக்கையொட்டி விவசாயிகள் தங்களது வயல்களில் ஏர்பூட்டி உழவு செய்யும் பணிகளில் மேற்கொண்டனர்.
சிங்கம்புணரி அருகே வேட்டையன்பட்டியில் உள்ள காமாட்சி பரமேஸ்வரி அம்மன் கோவிலில் பக்தர்கள் அனுமதியின்றி ஆடி திருவிழா நடைபெற்று வருகிறது. இதைெயாட்டி ஆடிப்பெருக்கையொட்டி சந்தன காப்பு அலங்காரத்தில் அம்மன் அருள்பாலித்தார். திருவிழாவையொட்டி சமூக இடைவெளியை பின்பற்றி பக்தர்களுக்கு அன்னதானம் வழங்கப்பட்டது.