தேனி மாவட்டத்தில் மேலும் ஒருவர் கொரோனாவுக்கு பலி

தேனி:

தேனி மாவட்டத்தில் நேற்று மேலும் 10 பேருக்கு கொரோனா வைரஸ் பாதிப்பு உறுதி செய்யப்பட்டது. இதனால், மாவட்டத்தில் கொரோனாவால் பாதிக்கப்பட்டவர்கள் எண்ணிக்கை 42 ஆயிரத்து 853 ஆக உயர்ந்தது. இந்நிலையில் கொரோனா பாதிப்புடன் தேனி அரசு மருத்துவ கல்லூரி மருத்துவமனையில் சிகிச்சை பெற்றுவந்த தேனி பகுதியை சேர்ந்த 56 வயது ஆண் நேற்று உயிரிழந்தார். இதனால் பலி எண்ணிக்கை 514 ஆக உயர்ந்தது. 28 பேர் நேற்று குணமாகினர். கொரோனா பாதிப்புடன் 200 பேர் சிகிச்சை பெற்று வருகின்றனர்.