மொபட்டில் மணல் கடத்தியவர் கைது

குளித்தலை பெரிய பாலம் காவிரி ஆற்று பகுதியில் நேற்று போலீசார் ரோந்து பணியில் ஈடுபட்டு இருந்தனர். அப்போது பதிவு எண் இல்லாத வாகனத்தில் காவிரி ஆற்றில் இருந்து மணலை மூட்டையாக கட்டிக்கொண்டு கடத்தி வந்தவரை நிறுத்தி சோதனை செய்தனர். இதில் அவர் குளித்தலை பெரியபாலம் மீன்காரத்தெருவைசேர்ந்த விஜயகுமார் (வயது 40) என்பதும், அவர் மணலை ஆற்றிலிருந்து கடத்தி வந்ததும் தெரியவந்துள்ளது. இதையடுத்து அவரை போலீசார் கைது செய்தனர். மேலும் மணல் மூட்டைகளுடன் அவர் ஓட்டி வந்த மொபட்டும் பறிமுதல் செய்யப்பட்டது.