அடையாளம் தெரியாத ஆண் பிணம்

சாத்தூர், 

சாத்தூர் ரெயில் நிலையம் அருகே 60 வயது மதிக்கதக்க அடையாளம் தெரியாத ஒரு ஆண் பிணம் கிடந்தது. இதுகுறித்து சாத்தூர் கிராம நிர்வாக அலுவலர் தர்மசுந்தர், டவுன் போலீசாரிடம் புகார் அளித்தார். அதன்பேரில் போலீசார், இறந்தவரின் உடலை கைப்பற்றி சாத்தூர் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இதையடுத்து இறந்தவர் யார்? எந்த ஊரை சேர்ந்தவர்? என போலீசார் விசாரணை நடத்தி வருகின்றனர்.