மாவட்டத்தில், நாளை முதல் 241 பஸ்கள் ஓடும்

தமிழகத்தில் கொரோனா தொற்று 2-வது அலை காரணமாக ஜூலை 5-ந்தேதி வரை தளர்வுகளுடன் ஊரடங்கு அமல்படுத்தப்பட்டு உள்ளது. தற்போது கொரோனா தொற்று குறைந்ததை தொடர்ந்து நாளை முதல் 2-வது வகையான சிவகங்கை, ராமநாதபுரம் உள்ளிட்ட 23 மாவட்டங்களில் பஸ் போக்குவரத்துக்கு அரசு அனுமதி அளித்து உள்ளது.
இங்கிருந்து மதுரை, ராமநாதபுரம், திண்டுக்கல், திருச்சி, கோவை, சென்னை உள்ளிட்ட பல்வேறு மாவட்டங்களுக்கும், திருப்பதி, பெங்களூரூ உள்ளிட்ட வெளிமாநிலத்திற்கும் பஸ் இயக்கப்பட்டு வந்தது. தற்போது அரசு அறிவித்தப்படி பஸ் இயக்கப்படும் என்பதால்  காரைக்குடி பணிமனையில் நிறுத்தி வைக்கப்பட்டு உள்ள பஸ்களை தயார்படுத்தும் பணி தீவிரம் அடைந்து உள்ளது.
 சிவகங்கை மாவட்டத்தில் இயக்கப்படும் காரைக்குடி அரசு போக்குவரத்து பணிமனை சார்பில் 241 பஸ்கள் நாளை காலை 5 மணி முதல் இயக்கப்பட உள்ளது.இதில் காரைக்குடி பகுதியில் 24 நகர்புற பஸ்களும், 26 புறநகர் பஸ்களும், தேவகோட்டை பகுதியில் 25 நகர்ப்புற பஸ்களும், 30 புறநகர் பஸ்களும், திருப்பத்தூர் பகுதியில் 15 நகர்ப்புற பஸ்களும், 19 புறநகர் பஸ்களும், சிவகங்கை பகுதியில் 33 நகர்புற பஸ்களும், 27 புறநகர் பஸ்களும், மதுரையிலிருந்து 42 புறநகர் பஸ்களும், சேர்த்து மொத்தம் 241 பஸ்கள் இயக்கப்பட உள்ளது.