வீட்டின் பூட்டை உடைத்து 15 பவுன் நகை கொள்ளை

திருவள்ளூர்,

திருவள்ளூரை அடுத்த வெள்ளவேடு அருகே உள்ள காவல்சேரி பகுதியை சேர்ந்தவர் செல்வம் (வயது 60). கடந்த 20-ந் தேதியன்று இவர், தனது அண்ணன் மகன் திருமணத்திற்காக வீட்டை பூட்டி விட்டு குடும்பத்தாருடன் சென்னைக்கு சென்றார்.

நேற்று முன்தினம் அவர்கள் மீண்டும் வீட்டிற்கு வந்தபோது, வீட்டின் முன்பக்க கதவின் பூட்டு உடைக்கப்பட்டு இருப்பதை கண்டு அதிர்ச்சி அடைந்து உள்ளே சென்று பார்த்தனர். அப்போது வீட்டில் இருந்த பீரோ உடைக்கப்பட்டு அதில் இருந்த சங்கிலி, மோதிரம், கம்மல், மூக்குத்தி என 15 பவுன் தங்க நகைகள் திருட்டு போனது தெரியவந்தது. இச்சம்பவம் குறித்து வெள்ளவேடு போலீசார், வழக்குப்பதிவு செய்து விசாரணை மேற்கொண்டு வருகின்றனர்.