சேலம் மாவட்டத்தில் கருப்பு பூஞ்சை நோய்க்கு மேலும் 4 பேர் பாதிப்பு

சேலம்:

சேலம் மாவட்டத்தில் கொரோனாவின் பாதிப்பு 71 ஆயிரத்தை தாண்டியது. இந்த நிலையில் கொரோனா பாதித்தவர்கள் பலருக்கு கருப்பு பூஞ்சை என்ற நோயும் தாக்கி வருகிறது. மாவட்டத்தில் நேற்று மேலும் 4 பேர் கருப்பு பூஞ்சை நோயால் பாதிக்கப்பட்டுள்ளனர். இதில் 3 பேர் சேலம் அரசு ஆஸ்பத்திரியிலும், ஒருவர் தனியார் ஆஸ்பத்திரியிலும் அனுமதிக்கப்பட்டு சிகிச்சை பெற்று வருவதாக சுகாதாரத்துறை அதிகாரிகள் தெரிவித்தனர். மாவட்டத்தில் இதுவரை கருப்பு பூஞ்சை நோய்க்கு 106 பேர் பாதிக்கப்பட்டுள்ளனர் என்பது குறிப்பிடத்தக்கது.