சாராயம் காய்ச்சி விற்க முயன்றவர் கைது

பென்னாகரம்:

பென்னாகரம் அருகே உள்ள பூஞ்சோலை கிராமத்தை சேர்ந்தவர் மாது (வயது 43). கோழி வியாபாரியான இவரது நிலத்தில் சாராயம் காய்ச்சி விற்பனை செய்வதாக பென்னாகரம் போலீசிற்கு தகவல் வந்தது. இதையடுத்து போலீஸ் இன்ஸ்பெக்டர் தொல்காப்பியன் மற்றும் போலீசார் விரைந்து சென்று சோதனை செய்தனர். அப்போது மாது வீட்டின் பின்புறம் சாராயம் காய்ச்சி விற்பனை செய்ய ஊறல் போட்டு வைத்திருப்பது தெரியவந்தது. இதையடுத்து அவரை போலீசார் கைது செய்தனர். மேலும் 50 லிட்டர் சாராய ஊறலை போலீசார் கீழே கொட்டி அழித்தனர்.