திருமங்கலம் அருகே உள்ள ஆலம்பட்டி கிராமத்தை சேர்ந்தவர் சதாசிவம் (வயது 55).விவசாயி. இவர் நேற்று முன்தினம் இரவு ஆலம்பட்டியில் உள்ள பொது குளியல் தொட்டியில் குளித்து விட்டு வீட்டிற்கு நடந்து சென்று கொண்டிருந்தார். அப்போது ராஜபாளையத்தில் இருந்து திருமங்கலம் நோக்கி சென்ற கார் சதாசிவத்தின் மீது எதிர்பாராதவிதமாக மோதியது. இதில் தூக்கி வீசப்பட்டு படுகாயமடைந்த சதாசிவம் திருமங்கலம் அரசு மருத்துவமனையில் சிகிச்சைக்கு சேர்க்கப்பட்டார். பின்னர் மேல் சிகிச்சைக்காக மதுரை அரசு மருத்துவமனைக்கு அனுப்பி வைக்கப்பட்டார். அங்கு சிகிச்சை பலனின்றி சதாசிவம் நேற்று காலை இறந்தார். இது குறித்து திருமங்கலம் தாலுகா போலீசார் விசாரணை நடத்தி வருகின்றனர்.