ஒரே நாளில் கொரோனாவுக்கு 6 பேர் பலி

சிவகங்கை மாவட்டத்தில் கொரோனா தொற்று தினசரி அதிகரித்து வருகிறது. கொரோனா பரவலை கட்டுப்படுத்த மாவட்ட நிர்வாகம் தொடர்ந்து நடவடிக்கை எடுத்து வருகிறது. இந்த நிலையில் நேற்று ஒரே நாளில் 215 பேருக்கு கொரோனா தொற்று உறுதி செய்யப்பட்டது.
இதே போல் நேற்று ஒரே நாளில் கொரோனாவுக்கு 6 பேர் இறந்தனர். இதில் சிவகங்கையை சேர்ந்த 87 வயதுள்ள முதியவர் ஒருவரும், 46 வயதுள்ள பெண் ஒருவரும், புதுக்கோட்டையை சேர்ந்த 64 வயதுள்ள மூதாட்டி ஒருவரும், சிவகங்கையை சேர்ந்த 70 வயதுள்ள முதியவர் ஒருவரும், கொரோனா தொற்று காரணமாக சிவகங்கை மருத்துவ கல்லூரி மருத்துவமனையில் இறந்தனர்.
மாவட்டத்தில் அரசு மருத்துவமனை, தனியார் மருத்துவமனை மற்றும் வீட்டு தனிமையில் உள்ளவர்கள் உள்பட 1,721 பேர் தற்போது சிகிச்சையில் உள்ளனர். நேற்று ஒரே நாளில் 85 பேர் கொரோனா சிகிச்சை முடிந்து வீடு திரும்பினர்.