இளம்பெண் தூக்குப்போட்டு தற்கொலை

கரூர் அருகே உள்ள புலியூர் கவுண்டம்பாளையம் டீச்சர்ஸ் காலனியை சேர்ந்தவர் விக்கிரமன். இவரது மனைவி பிரியங்கா (வயது 23). இந்த தம்பதிக்கு திருமணமாகி 3 ஆண்டுகள் ஆகிறது. தற்போது 9 மாத ஆண் குழந்தை ஒன்று உள்ளது. இந்தநிலையில் கணவன்-மனைவிக்கு இடையே அடிக்கடி குடும்ப பிரச்சினை ஏற்பட்டுள்ளது. 

இதனால் மனமுடைந்து காணப்பட்ட பிரியங்கா நேற்று முன்தினம் வீட்டில் யாரும் இல்லாத நேரத்தில் தூக்குப்போட்டு தற்கொலை செய்து கொண்டார். 

இதுகுறித்து தகவல் அறிந்த பசுபதிபாளையம் போலீஸ் சப்-இன்ஸ்பெக்டர் சந்திரசேகர் தலைமையிலான போலீசார் சம்பவ இடத்திற்கு வந்தனர். பின்னர் பிரியாங்காவின் உடலை கைப்பற்றி பிரேத பரிசோதனைக்காக கரூர் அரசு மருத்துவக்கல்லூரி மருத்துவனைக்கு அனுப்பி வைத்தனர். 

இந்த தற்கொலை சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.