சீனாபுரம் சந்தையில் ரூ.50 லட்சத்துக்கு மாடுகள் விற்பனை

பெருந்துறையை அடுத்த சீனாபுரத்தில் நேற்று மாட்டுச்சந்தை நடந்தது. பெருந்துறை மற்றும் அதன் சுற்றுவட்டார பகுதிகளில் இருந்து விர்ஜின் இன பசு மாடுகள் 100-ம், அதன் கிடாரி கன்றுக்குட்டிகள் 100-ம், சிந்து மற்றும் ஜெர்சி இன பசு மாடுகள் 50-ம், அதன் கிடாரி கன்றுக்குட்டிகள் 100-ம் விற்பனைக்காக கொண்டுவரப்பட்டிருந்தன. 

இதில் விர்ஜின் இன பசு மாடு ஒன்று ரூ.40 ஆயிரம் முதல் ரூ.45 ஆயிரம் வரையும், அதன் கிடாரி கன்றுக்குட்டி ஒன்று ரூ.30 ஆயிரம் முதல் ரூ.40 ஆயிரம் வரையும் விற்பனை செய்யப்பட்டது. சிந்து மற்றும் ஜெர்சி இன பசு மாடு ஒன்று ரூ.20 ஆயிரம் முதல் ரூ.30 ஆயிரம் வரையும், அதன் கிடாரி கன்றுக்குட்டி ஒன்று ரூ.10 ஆயிரம் முதல் ரூ.20 ஆயிரம் வரையும் விற்கப்பட்டது. 

சந்தையில் மாடுகள் மொத்தம் ரூ.50 லட்சத்துக்கு விற்பனை ஆனதாக சந்தை நிர்வாகிகள் தெரிவித்தனர். பெருந்துறை மற்றும் அதன் சுற்றுவட்டார பகுதிகளில் இருந்து ஏராளமான வியாபாரிகள் இங்கு வந்து மாடுகளை விலைபேசி பிடித்து சென்றனர்.