மண்டை ஓடு, எலும்புகளுடன் முழு வடிவமாக கிடைத்த தாழி

இதில் கொந்தகையில் 3 குழிகள் தோண்டப்பட்டு, 10-க்கும் மேற்பட்ட முதுமக்கள் தாழிகள் எடுக்கப்பட்டுள்ளன. இந்த தாழிகளை ஆய்வு செய்யும் பணி நேற்று தொடங்கியது. முதலில் வாய்ப்பகுதி மூடிய நிலையில் கிடைத்த முழுமையான முதுமக்கள் தாழியின் மேற்பரப்பில் காணப்படும் மண்ணை அப்புறப்படுத்தி, அதன் பின்னர் அதில் உள்ள பொருட்கள் குறித்து ஆய்வு செய்தனர்.
இவை அனைத்தையும் மரபணு சோதனைக்கு அனுப்ப முடிவு செய்யப்பட்டு இருப்பதாகவும், அதன் பின்னரே அந்த எலும்புகள் எந்த நூற்றாண்டு காலத்தில் வாழ்ந்தவருடையது என்ற விவரம் தெரிய வரும் என ஆராய்ச்சியாளர்கள் கூறினார்கள். அந்த தாழியில் ஒருபழங்கால வாளும், 2 கூம்பு வடிவ மண்கிண்ணமும் இருந்தது. வாளும் கிடந்ததால் இறந்தவர் போர் வீரனாக இருக்கலாம் என  கருதப்படுகிறது. இந்த தாழியை தொல்லியல் துறை மாநில துணை இயக்குனர் சிவானந்தமும் பார்வையிட்டார்.