நாமக்கல் மண்டலத்தில் 2 நாட்களில் கறிக்கோழி விலை ரூ.24 சரிவு கிலோ ரூ.94-க்கு விற்பனை

நாமக்கல்,

நாமக்கல் மண்டலத்தில் கறிக்கோழி கிலோ ரூ.118-க்கு விற்பனை செய்யப்பட்டு வந்தது. இதற்கிடையே நேற்று முன்தினம் பல்லடத்தில் நடந்த கறிக்கோழி ஒருங்கிணைப்பு குழு கூட்டத்தின் அதன் விலையை கிலோவுக்கு ரூ.12 குறைக்க முடிவு செய்தனர். எனவே கறிக்கோழி விலை கிலோ ரூ.106 ஆக சரிவடைந்தது. இந்தநிலையில் நேற்று நடந்த கூட்டத்தில் கறிக்கோழி விலையை கிலோவுக்கு மேலும் ரூ.12 குறைக்க முடிவு செய்தனர். எனவே கறிக்கோழி விலை கிலோ ரூ.94 ஆக சரிவடைந்து உள்ளது.

கொரோனா பரவலை தடுக்க ஞாயிற்றுக்கிழமைகளில் முழு ஊரடங்கு அறிவிக்கப்பட்டு இருப்பதால் கறிக்கோழி விற்பனை மந்தமாகி இருப்பதே விலை வீழ்ச்சிக்கு காரணம் என பண்ணையாளர்கள் தெரிவித்தனர். 2 நாட்களில் கறிக்கோழி விலை கிலோவுக்கு ரூ.24 வீழ்ச்சி அடைந்து இருப்பதால் கறிக்கோழி உற்பத்தியாளர்கள் கவலை அடைந்து உள்ளனர்.

முட்டை கொள்முதல் விலை 485 காசுகளாகவும், முட்டைக்கோழி விலை கிலோ ரூ.70 ஆகவும் நீடிக்கிறது. அவற்றின் விலைகளில் மாற்றம் செய்யப்படவில்லை என பண்ணையாளர்கள் தெரிவித்தனர்.

===========