மோட்டார் சைக்கிள் மோதி முதியவர் பலி

அன்னவாசல் அருகே உள்ள புல்வயல் அம்பலகாரத்தெருவை சேர்ந்தவர் சின்னத்தம்பி (வயது 68). இவர், வீட்டில் இருந்து கடைவீதிக்கு சென்றுவிட்டு மீண்டும் வீட்டுக்கு வருவதற்காக புதுக்கோட்டை- குடுமியான்மலை சாலையை கடக்கும்பொழுது அவ்வழியாக பெருநாடு பகுதியை சேர்ந்த செல்வம் மகன் சதீஸ்குமார் (25) ஓட்டிவந்த மோட்டார் சைக்கிள் சின்னத்தம்பி மீது மோதியது. இதில் அவர் படுகாயம் அடைந்தர். இதனையடுத்து அருகில் இருந்தவர்கள் அவரை மீட்டு சிகிச்சைக்காக புல்வயல் அரசு ஆரம்ப சுகாதார நிலையத்திற்கு கொண்டு சென்றனர். அங்கு அவரை பரிசோதித்த மருத்துவர்கள் அவர் ஏற்கனவே இறந்து விட்டதாக தெரிவித்தனர். இதையறிந்த அன்னவாசல் போலீசார் சின்னத்தம்பியின் உடலை மீட்டு பிரேத பரிசோதனைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பிவைத்தனர். இதுகுறித்து போலீசார் வழக்குபதிவு செய்து விசாரணை நடத்தி வருகின்றனர்.