கார் மோதி கட்டிட தொழிலாளி பலி

சங்கரன்கோவில், ஏப்:

தென்காசி மாவட்டம் சங்கரன்கோவில் அருகே உள்ள புளியம்பட்டியைச் சேர்ந்த பெரிய மாரியப்பன் (வயது 50). கட்டிட தொழிலாளி. இவர் சங்கரன்கோவில்- திருவேங்கடம் சாலையில் இருந்து வாணிபர் ஊரணியையொட்டியுள்ள தெரு வழியாக சைக்கிளில் சென்று கொண்டிருந்தார். அப்போது எதிரே வந்த காரும், சைக்கிளும் மோதின.

இதில் பெரிய மாரியப்பன் பலத்த காயம் அடைந்து சம்பவ இடத்திலேயே உயிரிழந்தார். பெரிய மாரியப்பனுக்கு கிருஷ்ணம்மாள் என்ற மனைவியும், தீபா, மணிமேகலை என்ற 2 மகள்களும், காளிராஜ் என்ற மகனும் உள்ளனர். இச்சம்பவம் தொடர்பாக சங்கரன்கோவில் டவுண் போலீசார் வழக்குப்பதிவு செய்து விசாரணை நடத்தி வருகின்றனர்.