ஒரே நாளில் 20 பேருக்கு கொரோனா

அரியலூர்:

அரியலூர்-பெரம்பலூர் மாவட்டங்களில் கொரோனாவின் 2-வது அலையால் நாளுக்கு நாள் கொரோனா தொற்றால் பாதிக்கப்படுபவர்களின் எண்ணிக்கை அதிகரித்து வருகிறது. அரியலூர் மாவட்டத்தில் நேற்று ஒரே நாளில் 20 பேர் கொரோனாவினால் பாதிக்கப்பட்டுள்ளது பொதுமக்களிடையே அதிர்ச்சியை ஏற்படுத்தியுள்ளது. இதனால் மாவட்டத்தில் கொரோனாவினால் பாதிக்கப்பட்டவர்களின் எண்ணிக்கை 4,933 ஆக உயர்ந்துள்ளது. இதில் ஏற்கனவே 49 பேர் சிகிச்சை பலனின்றி உயிரிழந்துள்ளனர். 4,785 பேர் சிகிச்சை பெற்று வீடு திரும்பியுள்ளனர். தற்போது 99 பேர் மருத்துவமனைகளில் சிகிச்சை பெற்று வருகின்றனர்.