வேலகவுண்டம்பட்டியில் கார் மோதி மூதாட்டி பலி

பரமத்திவேலூர்:

வேலகவுண்டம்பட்டி அருகே கார் மோதி மூதாட்டி பலியானார். கார் டிரைவர் கைது செய்யப்பட்டார்.

நாமக்கல் மாவட்டம் வேலகவுண்டம்பட்டியை சேர்ந்தவர் சீரங்கன். இவருடைய மனைவி மாராயி (வயது 70). இவர் நேற்று மாலை வேலகவுண்டம்பட்டியில் உள்ள தளிகை பிரிவு ரோடு அருகே சாலையை கடக்க முயன்றார். 

அப்போது திருச்செங்கோட்டில் இருந்து நாமக்கல் நோக்கி வந்த கார் ஒன்று மாராயி மீது மோதியது. இதில் தூக்கி வீசப்பட்டு பலத்த காயம் அடைந்த அவர் ரத்த வெள்ளத்தில் சம்பவ இடத்திலேயே பலியானார். 

தகவல் அறிந்து சம்பவ இடத்திற்கு விரைந்து சென்ற வேலகவுண்டம்பட்டி போலீசார் மாராயியின் உடலை கைப்பற்றி நாமக்கல் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். 

மேலும் இந்த விபத்து குறித்து போலீசார் வழக்குப்பதிவு செய்து கார் டிரைவர் திருப்பூர் மாவட்டம், செல்லப்பம்பட்டி சுபா நாயுடு காலனியைச் சேர்ந்த பிரபாகரன் (28) என்பவரை கைது செய்தனர்.

========