காரிமங்கலம் அருகே மினி பஸ் மோதி பெயிண்டர் பலி

காரிமங்கலம்,

தர்மபுரி மாவட்டம் காரிமங்கலம் அருகே உள்ள சொன்னம்பட்டியை சேர்ந்தவர் பழனிசாமி. இவருடைய மகன் மூவிஸ் (வயது 21). பெயிண்டர். இவர் நேற்று அதிகாலை மோட்டார் சைக்கிளில் அண்ணாமலைஅள்ளி பிரிவு ரோடு அருகே சென்று கொண்டு இருந்தார். அப்போது எதிரே வந்த மினி பஸ், இவருடைய மோட்டார் சைக்கிள் மீது மோதியது. இதில் படுகாயமடைந்த அவர் சம்பவ இடத்திலேயே உயிரிழந்தார். இந்த விபத்து குறித்து தகவல் அறிந்ததும் காரிமங்கலம் போலீசார்  விரைந்து சென்று இறந்த மூவிசின் உடலை கைப்பற்றி பிரேத பரிசோதனைக்காக தர்மபுரி அரசு மருத்துவமனைக்கு அனுப்பி வைத்தனர். இந்த விபத்து குறித்து காரிமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.