பேட்டையில் குளத்தில் மூழ்கி முதியவர் பலி

பேட்டை:

பேட்டை பாண்டியாபுரம் வடக்கு தெருவை சேர்ந்தவர் ஆவுடையப்பன் (வயது 85). இவர் அங்குள்ள குளத்தில் குளிக்க சென்றார். அப்போது அவர் தவறி குளத்தில் விழுந்து தண்ணீரில் மூழ்கி பரிதாபமாக இறந்தார். 

இதுகுறித்து அந்த பகுதியில் சென்ற பொதுமக்கள் பேட்டை போலீசுக்கு தகவல் தெரிவித்தனர்.

 

போலீசார் விரைந்து வந்து ஆவுடையப்பன் உடலை கைப்பற்றி பிரேத பரிசோதனைக்காக பாளையங்கோட்டை அரசு ஆஸ்பத்திரிக்கு அனுப்பி வைத்தனர். 

இதுகுறித்து போலீசார் வழக்குப்பதிவு செய்து விசாரணை நடத்தி வருகிறார்கள்.