மாசி மாத அமாவாசையை முன்னிட்டு கோவில்களில் சிறப்பு வழிபாடு

கரூர் மாவட்டம் நொய்யல் அருகே வேட்டமங்கலத்தில் பிரசித்தி பெற்ற சடையப்ப சுவாமி கோவில் உள்ளது. இக்கோவிலில் மாசி மாத அமாவாசையை முன்னிட்டு சடையப்ப சுவாமிக்கு பூக்களால் அலங்காரம் செய்யப்பட்டு தீபாராதனை காட்டப்பட்டது. இதில் சுற்றுவட்டார பகுதிகளை சேர்ந்த பக்தர்கள் கலந்துகொண்டு சாமி தரிசனம் செய்தனர். பக்தர்களுக்கு பிரசாதம் வழங்கப்பட்டது. 

அதேபோல் சேமங்கி, திருக்காடுதுறை மாரியம்மன், நொய்யல் செல்லாண்டியம்மன், குந்தாணி பாளையம்நத்தமேடு, கரியாம்பட்டி, புன்னம் பகுதிகளில் உள்ள அங்காளம்மன் கோவில் உள்ளிட்ட பல்வேறு கோவில்களிலும் சிறப்பு வழிபாடு நடந்தது. 

அமாவாசையையொட்டி, தளவாப்பாளையத்தில் உள்ள மாரியம்மன் கோவிலில் நேற்றுஅம்மனுக்கு பால், சந்தனம், விபூதி, மஞ்சள்,குங்குமம், இளநீர் உள்பட பல்வேறு வாசனைதிரவியங்களால் அபிஷேகம் நடைபெற்றது.

அதனைத்தொடர்ந்து அம்மனுக்கு நீல நிறபட்டு உடுத்தி, பவ்வேறு மலர்களால் அலங்காரம் செய்யப்பட்டு, சிறப்பு தீபாராதனை நடந்தது.

இதேபோல், வேலாயுதம்பாளையம் மகா மாரியம்மன்

கோவில், நாணப்பரப்பு, கடம்பங்குறிச்சி மாரியம்மன் கோவில், மண்மங்கலம் புதுகாளியம்மன் கோவில் உள்ளிட்ட பல்வேறு கோவில்களிலும் சிறப்பு வழிபாடு நடந்தது. இதில் திரளான பக்தர்கள் கலந்து கொண்டனர்.