ஒருவருக்கு கத்திக் குத்து

நெல்லை, மார்ச்:

தூத்துக்குடி மாவட்டம் வசவப்பபுரம் பகுதியை சேர்ந்தவர் செந்தில் (வயது 42). இவர் பாளையங்கோட்டை பகுதியில் யாசகம் பெற்று வசித்து வந்தார். இதே பகுதியில் குலவணிகர்புரத்தை சேர்ந்த கணேசமூர்த்தி என்பவரும் சுற்றி திரிந்தார். நேற்று முன்தினம் இரவு கணேசமூர்த்தி வழக்கமாக படுக்கும் இடத்தில், செந்தில் படுத்துள்ளார். இதனால் ஆத்திரமடைந்த கணேசமூர்த்தி கத்தியால் செந்திலை குத்தியுள்ளார். இதில் காயமடைந்த அவர் ஐகிரவுண்டு அரசு ஆஸ்பத்திரியில் சிகிச்சைக்காக சேர்க்கப்பட்டுள்ளார். இதுகுறித்து பாளையங்கோட்டை போலீசார் வழக்குப்பதிவு செய்து கணேசமூர்த்தியை கைது செய்தனர்.