டிராக்டரில் இருந்து தவறிவிழுந்து விவசாயி பலி

சாயல்குடி

சாயல்குடி அருகே அவத்தாண்டை கிராமத்தை சேர்ந்தவர் சுப்பிரமணியன்(வயது 55). விவசாயி. இவர் அதே கிராமத்தை சேர்ந்த மலைச்சாமி(41) என்பவரது டிராக்டரில் சென்றபோது அப்பகுதியில் உள்ள தனியார் பள்ளி அருகே இருந்த வேகத்தடையில் டிராக்டர் ஏறி இறங்கிறது. அப்போது டிராக்டரில் இருந்த சுப்பிரமணியன் தவறி விழுந்தார். அதில் பலத்த காயமடைந்த அவரை 108 ஆம்புலன்ஸ் மூலம் ராமநாதபுரம் கொண்டு சென்றனர். ஆனால் செல்லும் வழியிலேயே பரிதாபமாக அவர் உயிரிழந்தார். இதுகுறித்து சாயல்குடி இன்ஸ்பெக்டர் தமிழ்ச்செல்வன் மற்றும் போலீசார் வழக்குப்பதிவு செய்து மலைச்சாமியை கைது செய்து விசாரித்து வருகின்றனர்.