டிரைவரை தாக்கியவர் கைது

பூவந்தி போலீஸ் சரகத்தை சேர்ந்தது கே.பி. மணல்மேடு கிராமம். இந்த கிராமத்தைச் சேர்ந்தவர்கள் மருதுபாண்டி (வயது 38), டிரைவர். பிரபாகரன்.. இருவருக்கும் நிலத்தகராறு காரணமாக ஏற்கனவே முன்விரோதம் இருந்துள்ளது.இந்த நிலையில் மருதுபாண்டி டிராக்டரில் வைக்கோல் ஏற்றிக்கொண்டு மணல்மேட்டில் உள்ள ஊராட்சி ஒன்றிய தொடக்கப்பள்ளி அருகே ெசன்று கொண்டிருந்தார்.
அப்போது அங்கு வந்த பிரபாகரன், கோடாங்கிநாச்சி (26) ஆகிய இருவரும் சேர்ந்து மருதுபாண்டியை மண்வெட்டியாலும், கம்பாலும் தாக்கி கொலை மிரட்டல் விடுத்ததாக கூறப்படுகிறது.
இதில் காயம் அடைந்த மருதுபாண்டி திருப்புவனம் அரசு ஆஸ்பத்திரியில் சிகிச்சை பெற்று வருகிறார். இது குறித்து அவர் பூவந்தி போலீசில் புகார் செய்தார். இதன்பேரில் கோடாங்கிநாச்சியை கைது செய்தனர். பிரபாகரனை தேடி வருகின்றனர்.