கிணற்றில் தவறி விழுந்து டிரைவர் சாவு

கடத்தூர்

 கோபி அருகே உள்ள கலிங்கியத்தை சேர்ந்தவர் துரைசாமி. இவருடைய மகன்  உமாசங்கர் (வயது 28). லாரி டிரைவர். நேற்று முன்தினம் இவர் அந்த பகுதியில் உள்ள கிணற்று சுவரில் உட்கார்ந்து கொண்டிருந்தார். அப்போது எதிர்பாராதவிதமாக அவர் கிணற்றுக்குள் தவறி விழுந்தார். இதில் தண்ணீரில் மூழ்கி இறந்தார்.

இதுபற்றி அறிந்ததும் கோபி போலீசார் சம்பவ இடத்துக்கு விரைந்து சென்று உமாசங்கரின் உடலை கைப்பற்றி பிரேத பரிசோதனைக்காக கோபி அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகிறார்கள்.