சிதம்பரத்தில் வாலிபர் வெட்டிக்கொலை: காதலி உள்பட 4 பேர் கைது

சிதம்பரம்,


இதையடுத்து தலைமறைவான அன்பழகனின் காதலியின் குடும்பத்தினரை பிடித்தால் கொலைக்கான காரணம் தெரியவரும் என்பதால் துணை போலீஸ் சூப்பிரண்டு கார்த்திகேயன் உத்தரவின்பேரில் சிதம்பரம் நகர போலீஸ் சப்-இன்ஸ்பெக்டர் சுரேஷ்முருகன் தலைமையில் தனிப்படை அமைக்கப்பட்டு புலன் விசாரணை நடத்தப்பட்டதோடு, தலைமறைவான காதலியின் குடும்பத்தினரை வலைவீசி தேடி வந்தனர்.

இந்த நிலையில் தலைமறைவான காதலியின் குடும்பத்தினர் வெளியூர் தப்பி செல்வதற்காக சிதம்பரம் ரெயில்வே பீடர் சாலையில் பதுங்கி இருப்பதாக தனிப்படை போலீசாருக்கு ரகசிய தகவல் கிடைத்தது. அதன்பேரில் தனிப்படை போலீசார் விரைந்து சென்று ரெயில்வே பீடர் சாலையில் பதுங்கி இருந்த காதலி, அவரது 17 வயது அண்ணன் மற்றும் அவரது தந்தை, தாய் ஆகியோரை கைது செய்து போலீஸ் நிலையத்துக்கு அழைத்து வந்து விசாரணை நடத்தியதில், காதலியின் குடும்பத்தினர் ஒன்று சேர்ந்து திட்டம் போட்டு அன்பழகனை வெட்டி படுகொலை செய்தது தெரியவந்தது.

இந்த பயங்கர சம்பவம் குறித்து துணை போலீஸ் சூப்பிரண்டு கார்த்திகேயன் நிருபர்களுக்கு பேட்டியளித்தார். அப்போது அவர் கூறியதாவது:-


இதையடுத்து காதலியை பார்க்க வீட்டுக்கு வந்த அன்பழகனை காதலியின் அண்ணனான 17 வயது மாணவன் கத்தியால் பின்தலையில் வெட்டி படுகொலை செய்துள்ளார். இதையடுத்து மாணவி மற்றும் அவரது தாய், தந்தை ஆகியோர் கொலை செய்யப்பட்ட அன்பழகன் உடலை மறைக்க முயன்றனர். இருப்பினும் அவர்களது வீடு முன்பு ஆட்கள் நடமாட்டம் அதிகம் இருந்ததால் அன்பழகன் உடலை வீட்டிலேயே போட்டு விட்டு வெளியூருக்கு தப்பி செல்ல முயன்றனர். அப்போது தனிப்படை போலீசார் அவர்களை கைது செய்துவிட்டனர்.

மேலும் கைதான 4 பேரும் நீதிமன்றத்தில் ஆஜர்படுத்தப்பட்டனர். பின்னர் மாணவி, அவரது அண்ணன் ஆகியோர் சிறுவர் சீர்திருத்த பள்ளிகளிலும், மாணவியின் தாய், தந்தை ஆகியோர் கடலூர் மத்திய சிறையிலும் அடைக்கப்பட்டனர்.