தரம் உயர்த்தப்பட்ட கால்நடை மருத்துவமனை ; அமைச்சர் திறந்து வைத்தார்

காரிமங்கலம்,

தர்மபுரி மாவட்டம் காரிமங்கலத்தில் உள்ள கால்நடை மருத்துவமனை தரம் உயர்த்தப்பட்டுள்ளது. இதன் தொடக்க விழாவிற்கு கலெக்டர் மலர்விழி தலைமை தாங்கினார். கோவிந்தசாமி எம்.எல்.ஏ., மாவட்ட மத்திய கூட்டுறவு வங்கி தலைவர் எஸ்.ஆர்.வெற்றிவேல், கால்நடை பராமரிப்புத்துறை இணை இயக்குனர் ராஜேந்திரன், உதவி இயக்குனர் மணிமாறன் ஆகியோர் முன்னிலை வகித்தனர். விழாவில் உயர்கல்வித்துறை அமைச்சர் கே.பி.அன்பழகன் கலந்து கொண்டு கால்நடை மருத்துவமனையை திறந்து வைத்து குத்துவிளக்கேற்றினார்.


இந்த விழாவில் ஒன்றியக்குழு தலைவர் சாந்தி பெரியண்ணன், துணைத்தலைவர் செல்வராஜ், தர்மபுரி ஒன்றிய துணைத்தலைவர் பொன்னுவேல், மாவட்ட மத்திய கூட்டுறவு வங்கி இயக்குனர் சிவப்பிரகாசம், தாசில்தார் கலைச்செல்வி, வட்டார வளர்ச்சி அலுவலர் தண்டபாணி, கூட்டுறவு சர்க்கரை ஆலை இயக்குனர் ரவிசங்கர், மாவட்ட கவுன்சிலர் காவேரி, கூட்டுறவு சங்க தலைவர் பழனி உள்பட திரளானோர் கலந்து கொண்டனர்.