தூய்மை பணியாளர்களின் காலில் விழுந்து வணங்கிய அமைச்சர்

திருமங்கலம், 

மதுரை மாவட்டம், திருமங்கலம் ஒன்றியம் மற்றும் நகராட்சி பகுதிகளில் நடந்த நிகழ்ச்சியில் 750 தூய்மை பணியாளர்களுக்கு வேட்டி, சேலை, கிருமிநாசினி, முக கவசங்களை அமைச்சர் ஆர்.பி.உதயகுமார் வழங்கினார். 

அப்போது அவர் பேசுகையில், தற்போதைய சூழ்நிலையில் தூய்மை பணியாளர்களின் பணி மகத்தானது, அவர்கள் பணி செய்யவில்லை என்றால் நாம் நலமாக இருக்க முடியாது, அவர்களின் பணிக்கு தலை வணங்குவதாகக் கூறி திடீரென அவர்களின் காலில் விழுந்து வணங்கினார். இது அங்கிருந்தவர்களை நெகிழ்ச்சி அடைய செய்தது.