தூக்குப்போட்டு தொழிலாளி தற்கொலை

ஜோலார்பேட்டை, 

ஜோலார்பேட்டையை அடுத்த மேட்டுசக்கரகுப்பத்தை சேர்ந்தவர் ராஜ்குமார் (வயது 30), கூலி தொழிலாளி. இவரது மனைவி சத்யா. இவர்களுக்கு ஒரு மகன், ஒரு மகள் உள்ளனர். கடந்த சில ஆண்டுகளாக ராஜ்குமார் உடல்நலம் பாதிக்கப்பட்டிருந்தார்.

இந்த நிலையில் கடந்த 30-ந் தேதி வீட்டில் யாரும் இல்லாத போது ராஜ்குமார் தூக்குப் போட்டு தற்கொலை செய்து கொள்ள முயன்றார். சத்தம் கேட்டு அங்கு வந்த அவரது குடும்பத்தினர் அவரை மீட்டு சிகிச்சைக்காக திருப்பத்தூர் அரசு மருத்துவமனையில் சேர்த்தனர். பின்னர் அங்கிருந்து மேல் சிகிச்சைக்காக தர்மபுரி அரசு மருத்துவமனைக்கு அனுப்பி வைக்கப்பட்டார். அங்கு சிகிச்சை பலனின்றி நேற்று முன்தினம் அவர் பரிதாபமாக இறந்தார்.

இதுகுறித்து ஜோலார்பேட்டை போலீசார் வழக்குப்பதிவு செய்து விசாரணை நடத்தி வருகின்றனர்.