திருவண்ணாமலை, ஆரணி தபால் நிலையங்களில் தங்க பத்திரங்களில் முதலீடு செய்ய இன்று கடைசி நாள்

திருவண்ணாமலை,

இதுகுறித்து அவர் வெளியிட்டுள்ள அறிக்கையில் கூறியிருப்பதாவது:-

மத்திய அரசின் ரிசர்வ் பாங்க் ஆப் இந்தியா, இந்த நிதியாண்டில் முதலாவது வெளியிடான தங்க பத்திரம் வெளியிட்டு உள்ளது. இதற்கான முதலீட்டை இன்று (வெள்ளிக்கிழமை) வரை செய்யலாம். தங்க பத்திரம் தனி நபர் ஒருவர் ஒரு நிதியாண்டிற்கு குறைந்தபட்சம் 1 கிராம் முதல் அதிகபட்சம் 4 கிலோ வரை முதலீடு செய்யலாம். முதலீடு செய்யும் தொகை 1 கிராமிற்கு ரூ.3,196 என நிர்ணயிக்கப்பட்டு உள்ளது.

2-வது வெளியிடான தங்க பத்திரம் வருகிற ஜூலை மாதம் 8-ந் தேதி முதல் 12-ந் தேதி வரையும், 3-வது வெளியிடான தங்க பத்திரம் வருகிற ஆகஸ்டு மாதம் 5-ந் தேதி முதல் 9-ந் தேதி வரையும், 4-வது வெளியிடான தங்க பத்திரம் வருகிற செப்டம்பர் மாதம் 9-ந் தேதி முதல் 13-ந் தேதி வரையும் வெளியிட உள்ளது. இவைகளுக்கான தங்கத்தின் விலை அவ்வப்பொழுது தெரியப்படுத்தப்படும்.

பத்திரத்தில் சேருவோருக்கு 8-வது ஆண்டின் முடிவில் அன்றைய தேதியில் தங்கத்தின் விலை எப்படி நிர்ணயிக்கப்படுகிறதோ, அதே விலையில் நிர்ணயித்து கொடுக்கப்படும். இடையில் பணம் தேவைப்படுவோர் 5 ஆண்டிற்கு பிறகு பணத்தை பெற்று கொள்ளலாம்.

இதில் முதலீடு செய்யும் தொகைக்கு ஆண்டிற்கு 2.5 சதவீதம் 6 மாதத்திற்கு வட்டி கணக்கிடப்பட்டு கூட்டு வட்டியாக வழங்கப்படும். இந்த திட்டத்தில் சேருவோர் திருவண்ணாமலை கோட்டத்தில் உள்ள ஆரணி மற்றும் திருவண்ணாமலை தலைமை தபால் நிலையங்களை அணுகி முதலீடு செய்யலாம்.

இவ்வாறு அதில் கூறப்பட்டுள்ளது.