பட்ஜெட் தயாரிப்பு குறித்து குமாரசாமி ஆலோசனை

கர்நாடக அரசின் 2018-19-ம் ஆண்டுக்கான பட்ஜெட் வருகிற 5-ந் தேதி தாக்கல் செய்யப்படும் என்று மாநில அரசு அறிவித்துள்ளது. பட்ஜெட் தயாரிப்பு பணிகளில் முதல்-மந்திரி குமாரசாமி தீவிரமாக ஈடுபட்டுள்ளார்.

இந்த நிலையில் பெங்களூருவில் நேற்று தொழில்துறை, தகவல் தொழில்நுட்பம், உயிரி தொழில்நுட்பம், கூட்டுறவு, சுகாதாரம் மற்றும் குடும்ப நலன், பள்ளி கல்வி, நகராட்சி நிர்வாகம், துறைமுகம், நகர வளர்ச்சி ஆகிய துறைகளின் மந்திரிகள் மற்றும் உயர் அதிகாரிகளுடன் குமாரசாமி பட்ஜெட் தயாரிப்பு குறித்து ஆலோசனை நடத்தினார்.