பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம்

மும்பை,

சி.எஸ்.எம்.டி. - பன்வெல் இடையே சேவை ரத்து செய்யப்பட்டுள்ளது.

மத்திய ரெயில்வேயின் துறைமுக வழித்தடமான குர்லா - வாஷி இடையே இன்று (ஞாயிற்றுக்கிழமை) காலை 11.10 மணி முதல் மாலை 4.10 மணி வரை பராமரிப்பு பணிகள் நடைபெற உள்ளது.

இதையொட்டி இன்று காலை 10.34 மணி முதல் பிற்பகல் 3.39 மணி வரை சி.எஸ்.எம்.டி.யில் இருந்து வாஷி, பேலாப்பூர் மற்றும் பன்வெலுக்கு மின்சார ரெயில்கள் இயக்கப்படாது. இதேபோல காலை 10.21 மணி முதல் பிற்பகல் 3.41 மணி வரை பன்வெல், பேலாப்பூர் மற்றும் வாஷியில் இருந்து சி.எஸ்.எம்.டி.க்கு மின்சார ரெயில் சேவை இருக்காது. எனினும் இந்த நேரத்தில் சி.எஸ்.எம்.டி. - குர்லா மற்றும் வாஷி - பன்வெல் இடையே சிறப்பு ரெயில்கள் இயக்கப்படும்.

மேற்கு ரெயில்வேயில் இன்று காலை 10.35 மணி முதல் பிற்பகல் 3.35 மணி வரை சாந்தாகுருஸ் - மாகிம் இடையே விரைவு ரெயில் பாதையில் இருமார்க்க வழித்தடத்திலும் பராமரிப்பு பணிகள் நடைபெற உள்ளது.

எனவே இந்த நேரத்தில் விரைவு ரெயில்கள் அனைத்தும் சாந்தாகுருஸ் - மாகிம் இடையே ஸ்லோ வழித்தடத்தில் இயக்கப்படும். பராமரிப்பு பணியையொட்டி சில ரெயில் சேவைகள் ரத்து செய்யப்பட்டுள்ளன.

 மேலும் அனைத்து ரெயில்களும் 10 முதல் 20 நிமிடங்கள் வரை தாமதமாக இயக்கப்படும். இந்த தகவலை மத்திய, மேற்கு ரெயில்வே வெளியிட்டுள்ளது.