படப்பை அருகே பிளாஸ்டிக் குடோனில் தீ விபத்து
படப்பை அருகே பிளாஸ்டிக் குடோனில் தீ விபத்து ஏற்பட்டது.
படப்பை,
காஞ்சீபுரம் மாவட்டம் படப்பை அருகே ஆரம்பாக்கம் செல்லும் சாலை ஓரமாக பழைய பொருட்கள் மற்றும் பிளாஸ்டிக் பொருட்கள் சேமிக்கும் குடோன் உள்ளது. இந்த குடோனில் இருந்து நேற்று மதியம் 2 மணியளவில் கரும்புகை வெளியே வந்தது. பின்னர் குடோனில் உள்ள பொருட்கள் மளமளவென எரியத்தொடங்கியது. இந்த தீ அருகில் இருந்த மரக்கடைக்கும் பரவியது. இதில் அங்கிருந்த மரப்பலகைகள் எரியத்தொடங்கியது.
இதை பார்த்த பொதுமக்கள் ஸ்ரீபெரும்புதூர் தீயணைப்பு நிலையத்திற்கு தகவல் தெரிவித்தனர். உடனடியாக சம்பவ இடத்திற்கு வந்த தீயணைப்பு வீரர்கள் 3 மணி நேரம் போராடி தீயை அணைத்தனர்.
இந்த தீ விபத்தில் குடோனில் இருந்த அனைத்து பொருட்களும் மரக்கடையில் இருந்த பொருட்களும் எரிந்து நாசமானது. உடனடியாக தீ அணைக்கப்பட்டதால் மேலும் கடைகளுக்கு தீ பரவாமல் தடுக்கப்பட்டது. தீ விபத்து காரணமாக அந்த பகுதி முழுவதும் புகை மண்டலமாக காட்சி அளித்தது. தீ விபத்து ஏற்பட்ட உடனே மின்சாரம் துண்டிக்கப்பட்டதால் பெரும் விபத்து ஏற்படாமல் தடுக்கப்பட்டது.
தீ விபத்து காரணமாக அந்த பகுதியில் சிறிது நேரம் போக்குவரத்து பாதிக்கப்பட்டது. தீவிபத்திற்கான காரணம் என்ன என்று தெரியவில்லை. தீ விபத்து குறித்து மணிமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.
காஞ்சீபுரம் மாவட்டம் படப்பை அருகே ஆரம்பாக்கம் செல்லும் சாலை ஓரமாக பழைய பொருட்கள் மற்றும் பிளாஸ்டிக் பொருட்கள் சேமிக்கும் குடோன் உள்ளது. இந்த குடோனில் இருந்து நேற்று மதியம் 2 மணியளவில் கரும்புகை வெளியே வந்தது. பின்னர் குடோனில் உள்ள பொருட்கள் மளமளவென எரியத்தொடங்கியது. இந்த தீ அருகில் இருந்த மரக்கடைக்கும் பரவியது. இதில் அங்கிருந்த மரப்பலகைகள் எரியத்தொடங்கியது.
இதை பார்த்த பொதுமக்கள் ஸ்ரீபெரும்புதூர் தீயணைப்பு நிலையத்திற்கு தகவல் தெரிவித்தனர். உடனடியாக சம்பவ இடத்திற்கு வந்த தீயணைப்பு வீரர்கள் 3 மணி நேரம் போராடி தீயை அணைத்தனர்.
இந்த தீ விபத்தில் குடோனில் இருந்த அனைத்து பொருட்களும் மரக்கடையில் இருந்த பொருட்களும் எரிந்து நாசமானது. உடனடியாக தீ அணைக்கப்பட்டதால் மேலும் கடைகளுக்கு தீ பரவாமல் தடுக்கப்பட்டது. தீ விபத்து காரணமாக அந்த பகுதி முழுவதும் புகை மண்டலமாக காட்சி அளித்தது. தீ விபத்து ஏற்பட்ட உடனே மின்சாரம் துண்டிக்கப்பட்டதால் பெரும் விபத்து ஏற்படாமல் தடுக்கப்பட்டது.
தீ விபத்து காரணமாக அந்த பகுதியில் சிறிது நேரம் போக்குவரத்து பாதிக்கப்பட்டது. தீவிபத்திற்கான காரணம் என்ன என்று தெரியவில்லை. தீ விபத்து குறித்து மணிமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.