ஆரணியில் தலைமை ஆசிரியர்களுடன் கலந்துரையாடல் கூட்டம்

ஆரணி,

ஆரணி – இரும்பேடு, ஏ.சி.எஸ். நகரில் உள்ள பாலாஜி சொக்கலிங்கம் பொறியியல் கல்லூரி வளாகத்தில் செய்யாறு கல்வி மாவட்ட அளவில் உள்ள அரசு, தனியார் உயர்நிலை, மேல்நிலைப்பள்ளி தலைமை ஆசிரியர்களுக்கு மனிதவள மேம்பாடு குறித்து கலந்துரையாடல் கூட்டம் நடந்தது. மாவட்ட முதன்மை கல்வி அலுவலர் ஜெயக்குமார் தலைமை தாங்கினார். மாவட்ட கல்வி அலுவலர் கார்த்திகா, அனைவருக்கும் கல்வி இயக்க மாவட்ட அலுவலர் இளவரசன், கூடுதல் திட்ட அலுவலர் சுப்பிரமணி ஆகியோர் முன்னிலை வகித்தனர்.

சிறப்பு அழைப்பாளராக கலெக்டர் கே.எஸ்.கந்தசாமி கலந்து கொண்டு தலைமை ஆசிரியர்களுக்கு ஆலோசனைகளை வழங்கி பேசினார்.

இதில் 700–க்கும் மேற்பட்ட தலைமையாசிரியர்கள், ஆசிரியர்கள், உதவி தொடக்கக் கல்வி அலுவலர்கள், வட்டார மேற்பார்வையாளர்கள் உள்பட பலர் கலந்து கொண்டனர்.