மோட்டார் சைக்கிள் மோதி முதியவர் சாவு

பெரம்பலூர்,

பெரம்பலூர் அருகே உள்ள களரம்பட்டி கிராமத்தை சேர்ந்தவர் ரெங்கராஜ் (வயது 60). இவர், நேற்று பெரம்பலூர் வெங்கடேசபுரத்தில் உள்ள திரையரங்கம் எதிரே சாலையை கடக்க முயன்றார். அப்போது, அந்த வழியாக வந்த மோட்டார் சைக்கிள் எதிர்பாராதவிதமாக ரெங்கராஜ் மீது மோதியது. இதில் பலத்த காயமடைந்த ரெங்கராஜ் சம்பவ இடத்திலேயே பரிதாபமாக இறந்தார். இதுகுறித்து தகவலறிந்த பெரம்பலூர் போலீசார் சம்பவ இடத்திற்கு சென்று விபத்தில் காயமடைந்த மோட்டார் சைக்கிள் ஓட்டிவந்த மருவத்தூர் கிராமம், வடக்கு தெருவை சேர்ந்த கிருஷ்ணமூர்த்தியை (29) மீட்டு சிகிச்சைக்காக பெரம்பலூர் அரசு மருத்துவமனைக்கு அனுப்பி வைத்தனர். இதற்கிடையே போலீசார் ரெங்கராஜ் உடலை கைப்பற்றி பிரேத பரிசோதனைக்காக பெரம்பலூர் அரசு மருத்துவமனைக்கு அனுப்பி வைத்தனர். இதுகுறித்த புகாரின் பேரில், பெரம்பலூர் போலீசார் வழக்குப்பதிவு செய்து விசாரணை நடத்தி வருகின்றனர்.