காஞ்சீபுரத்தில் மாடிப்படியில் இருந்து தவறி விழுந்த பெண் பலி

காஞ்சீபுரம், 

காஞ்சீபுரம் செங்கழுநீரோடை தெருவை சேர்ந்தவர் நாராயணன். இவரது மனைவி மணிமேகலை (வயது 70). இவர் அதே பகுதியை சேர்ந்த அவரது மருமகன் வீட்டில் மாடிப்படியில் ஏறினார். 

அப்போது கால் தவறி விழுந்து படுகாயம் அடைந்தார். உடனடியாக அவரை காஞ்சீபுரம் அரசு ஆஸ்பத்திரியில் அனுமதித்தனர். பின்னர் அவரை மேல் சிகிச்சைக்காக சென்னை அரசு ஆஸ்பத்திரியில் அனுமதித்தனர். அங்கு அவர் சிகிச்சை பலனின்றி பரிதாபமாக உயிரிழந்தார்.

இது குறித்து பெரிய காஞ்சீபுரம் போலீசார் வழக்குப்பதிவு செய்து விசாரித்து வருகின்றனர்.