காஜல் அகர்வாலுக்கு இப்போது தேவை, அதுதான்
நீங்கள் உங்கள் உடல்நலத்தை கவனித்து கொள்ளுங்கள். இப்போதைய தேவை அதுதான்'’, என்று காஜல் அகர்வாலுக்கு, ராம்சரண் அன்பு கட்டளை பிறப்பித்துள்ளார்.
தென்னிந்தியாவின் முன்னணி நடிகைகளில் ஒருவராக வலம் வருபவர், காஜல்அகர்வால். தற்போது அவர் கர்ப்பமாக இருப்பதால் நடிப்பதை நிறுத்தியுள்ளார். இவரது நடிப்பில் கடந்த ஆண்டு ‘ஹே சினாமிகா’ படம் வெளியாகி இருந்தது.
தெலுங்கில் சிரஞ்சீவியுடன், காஜல் அகர்வால் இணைந்து நடித்த ‘ஆச்சார்யா ’ படம் விரைவில் வெளியாக இருக்கிறது. இந்த படத்துக்கான முன்னோட்ட பணிகள் தொடங்கப்பட்டுள்ளன. இதற்காக சிரஞ்சீவி, ராம்சரண், காஜல்அகர்வால், பூஜா ஹெக்டே உள்பட படத்தில் நடித்த முக்கிய நடிகர்-நடிகைகளுக்கு அழைப்பு விடுக்கப்பட்டது. காஜல் அகர்வாலும் இதில் பங்கேற்க உள்ளதாக கூறப்பட்டது.
ஆனால் காஜல் அகர்வால் கர்ப்பமாக இருக்கும் சூழலில்``படவிளம்பர பணிக்கு நீங்கள் சிரமத்தை எதிர்கொண்டு வரவேண்டாம். உடல்நலத்தை கவனித்து கொள்ளுங்கள். இப்போதைய தேவை அதுதான்'’, என்று காஜல் அகர்வாலுக்கு, ராம்சரண் அன்பு கட்டளை பிறப்பித்துள்ளார். இதனை ஏற்றுக் கொண்ட காஜல் அகர்வால் நன்றி தெரிவித்தார்.