இளையோர் திருவிழா

திருவண்ணாமலை மாவட்ட நேரு யுவகேந்திரா சார்பாக சுதந்திர தின அமுதப் பெருவிழா கொண்டாட்டங்களை முன்னிட்டு இளையோர் திருவிழா, இளையோர் கலந்துரையாடல், கருத்தரங்கம் ஆகியவை திருவண்ணாமலை கலைஞர் கருணாநிதி அரசு கலைக்கல்லூரியில் நடைபெற்றது.

இதில் குடிமக்களின் கடமை உணர்வு என்ற 'மை' கருத்தை வலியுறுத்தி ஓவியம், கவிதை, பேச்சு, புகைப்படம், குழு நடனப் போட்டிகள் நடைபெற்றது.

கல்லூரி முதல்வர் கணேசன் முன்னிலை வகித்தார். நேரு யுவகேந்திரா மாவட்ட இளைஞர் அலுவலர் ராமச்சந்திரன் வரவேற்றார். சிறப்பு விருந்தினராக சி.என்.அண்ணாதுரை எம்.பி. கலந்துகொண்டு போட்டிகளில் வெற்றி பெற்றவர்களுக்கு பரிசுகளும், சான்றிதழ்களும் வழங்கி பாராட்டினார்.

திருவண்ணாமலை மாவட்ட ஊராட்சிக்குழு தலைவர் பார்வதி சீனிவாசன் வாழ்த்துரை வழங்கினார். முன்னதாக மாநில தடகள சங்க துணைத்தலைவர் எ.வ.வே.கம்பன் போட்டிகளை குத்துவிளக்கேற்றி தொடங்கி வைத்தார். இதில் நேரு யுவகேந்திரா அலுவலர்கள், கல்லூரி பேராசிரியர்கள், தேசிய மாணவர் படை, நாட்டு நலப்பணி திட்டம், இளைஞர் செஞ்சிலுவை சங்க மாணவர்கள் மற்றும் கல்லூரி, பள்ளி மாணவ, மாணவிகள், இளைஞர், மகளிர் மன்றத்தினர் கலந்துகொண்டனர்.