இளையோர் திருவிழாவில் வெற்றி பெற்றவர்களுக்கு பரிசு

இளைஞர் நலன் மற்றும் விளையாட்டு அமைச்சகம், நேரு யுவகேந்திரா பெரம்பலூர் மாவட்ட நிர்வாகம் சார்பில் மாவட்ட அளவிலான இளையோர் திருவிழா அரியலூர் மாவட்டம் உடையார்பாளையம் அருகே தத்தனூர் மீனாட்சி ராமசாமி கலை மற்றும் அறிவியல் கல்லூரி வளாகத்தில் நடைபெற்றது. இதற்கு மாவட்ட கலெக்டர் ஆனி மேரி ஸ்வர்ணா தலைமை தாங்கினார். ஜெயங்கொண்டம் சட்டமன்ற உறுப்பினர் க.சொ.க.கண்ணன் முன்னிலை வகித்தார். சிதம்பரம் நாடாளுமன்ற உறுப்பினர் தொல்.திருமாவளவன் சிறப்புரையாற்றி போட்டியில் வெற்றி பெற்ற மாணவ- மாணவிகளுக்கு பரிசுகளை வழங்கினார். விழாவில் உடையார்பாளையம் ஆர்.டி.ஓ. பரிமளம், மீனாட்சி ராமசாமி கல்வி நிறுவனங்கள் தாளாளர் எம்.ஆர்.ரகுநாதன், அரியலூர் மாவட்ட தொழில் மைய மேலாளர் லட்சுமி, பெரம்பலூர் மாவட்ட நேரு யுவகேந்திரா மாவட்ட இளையோர் அலுவலர் கீர்த்தனா, ஆசிரியர்கள் உள்பட பலர் கலந்து கொண்டனர்.