வாகனம் மோதி பெண் சாவு

திருச்சி மாவட்டம் மணப்பாறை தாலுகா சோமன்பட்டியை சேர்ந்தவர் சின்னப்பன் மனைவி செவத்தமணி (வயது 55). இவர் நேற்று இரவு விராலிமலை அருகே வாடியான்களம் திருச்சி- மதுரை தேசிய நெடுஞ்சாலையில் சாலை ஒரத்தில் நடந்து சென்று கொண்டிருந்தார். அப்போது திருச்சியில் இருந்து மதுரை நோக்கி சென்ற அடையாளம் தெரியாத வாகனம் செவத்தமணி மீது மோதியுள்ளது. இதில் படுகாயமடைந்த அவர் சம்பவ இடத்திலேயே உயிரிழந்தார். இதுகுறித்து தகவலறிந்த விராலிமலை போலீசார் சம்பவ இடத்திற்கு விரைந்து வந்து செவத்தமணியின் உடலை கைப்பற்றி பிரேத பரிசோதனைக்காக மணப்பாறை அரசு மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.