ஸ்டவ்வில் வெந்நீர் வைத்தபோது தீப்பிடித்து வாலிபர் சாவு

அல்லிநகரம் புத்தர் தெருவை சேர்ந்தவர் ராம்குமார் (வயது 27). இன்று இவர், வீ்ட்டில் மண்எண்ணெய் ஸ்டவ்வில் வெந்நீர் வைத்து கொண்டிருந்தார். அப்போது திடீரென ஸ்டவ்வின் வாசர் பிடுங்கியதில் அவர் மீது தீப்பற்றியது. இதையடுத்து அருகில் இருந்த அவரது மனைவி, தாய் ஆகிய இருவரும் அவரது உடலில் பற்றி எரிந்த தீயை அணைத்தனர். பின்னர் படுகாயமடைந்த அவரை மீட்டு சிகிச்சைக்காக தேனி அரசு மருத்துவ கல்லூரி மருத்துவமனையில் சேர்த்தனர். அங்கு சிகிச்சை பலனின்றி அவர் பரிதாபமாக இறந்தார். இதுகுறித்து அல்லிநகரம் சப்-இன்ஸ்பெக்டர் பாண்டியம்மாள் வழக்குப்பதிவு செய்து விசாரணை நடத்தி வருகிறார்.