மோட்டார் சைக்கிள் மீது வேன் மோதல்; தொழிலாளி பலி

கீரனூர்

கீரனூர் தாலுகா அலுவலக பகுதியை சேர்ந்தவர் வீரன் (வயது 56). தொழிலாளி. இவர், தனது மோட்டார் சைக்கிளில் சென்று கொண்டிருந்தார். அப்போது அந்த வழியாக வந்த வேன் எதிர்பாராதவிதமாக மோட்டார் சைக்கிள் மீது மோதியது. இதில் படுகாயமடைந்த அவரை அருகில் உள்ளவர்கள் மீட்டு சிகிச்சைக்காக புதுக்கோட்டை அரசு மருத்துவமனைக்கு அனுப்பி வைத்தனர். அங்கு சிகிச்சை பலனின்றி வீரன் இறந்தார். இதுகுறித்து கீரனூர் போலீசார் வேன் டிரைவர் கார்த்திக் மீது வழக்குப்பதிவு செய்து விசாரணை நடத்தி வருகின்றனர்.