தனியார் நிறுவன ஊழியர் வீட்டில் திருட்டு

நெல்லை ரெட்டியார்பட்டியை சேர்ந்தவர் கிருஷ்ணமூர்த்தி (வயது 54). இவர் தனியார் நிறுவனத்தில் ஊழியராக பணிபுரிந்து வருகிறார். கடந்த சில நாட்களுக்கு முன்பு இவர் வீட்டை பூட்டி விட்டு குடும்பத்துடன் வெளியூர் சென்று விட்டார். இந்த நிலையில் நேற்று காலை அவர்கள் வீடு திரும்பினர். அப்போது வீட்டின் கதவு உடைக்கப்பட்டு கிடந்தது. உள்ளே பீரோவில் வைக்கப்பட்டிருந்த ரூ.3 ஆயிரம் மற்றும் டி.வி., மோட்டார் சைக்கிள் ஆகியவற்றை மர்ம நபர்கள் துணிகரமாக திருடிச் சென்றது தெரியவந்தது.

இதுகுறித்த புகாரின் பேரில் பெருமாள்புரம் குற்றப்பிரிவு போலீசார் வழக்குப்பதிவு செய்து விசாரணை நடத்தி வருகிறார்கள்.