நெல்லிக்குப்பம் அருகே தீ விபத்து:கூரை வீடு எரிந்து சாம்பல்

நெல்லிக்குப்பம்,

நெல்லிக்குப்பம் அடுத்த பி.என்.பாளையத்தை சேர்ந்தவர் கந்தன் (வயது 46). சம்பவத்தன்று இவர் தனது குடும்பத்தினருடன் கூரை வீட்டில் படுத்து தூங்கினார். அப்போது கூரை வீடு திடீரென தீப்பற்றி எரிந்தது. இதைபார்த்த கந்தன் மற்றும் அவரது குடும்பத்தினர் அலறியடித்தப்படி வெளியே ஓடி வந்தனர். பின்னர் அவர்கள் அக்கம் பக்கத்தினர் உதவியுடன் தீயை அணைக்க முயன்றனர். இருப்பினும் அவர்களால் முடியவில்லை. அதற்குள் வீடு முழுவதும் தீப்பற்றி எரிந்தது. இதில் வீட்டில் இருந்த அத்தியாவசிய பொருட்கள் அனைத்தும் எரிந்து சாம்பலானது. இதன் சேதமதிப்பு ரூ. 4 லட்சம் இருக்கும் என்று கூறப்படுகிறது. தீ விபத்துக்கான காரணம் குறித்து நெல்லிக்குப்பம் போலீசார் விசாரணை நடத்தி வருகின்றனர்.