விஷம் குடித்து வியாபாரி தற்கொலை

வடமதுரை அருகே உள்ள பா.கொசவப்பட்டியை சேர்ந்தவர் கதிர்வேல் (வயது 62). இவர் ஆடு மற்றும் மாடுகளை விற்பனை செய்து வந்தார். இந்த நிலையில் கடந்த சில நாட்களாக கதிர்வேலுவுக்கு வியாபாரத்தில் நஷ்டம் ஏற்பட்டதாக கூறப்படுகிறது. இதனால் மனஉளைச்சலில் இருந்த அவர், கடந்த 28-ந்தேதி வீட்டில் யாரும் இல்லாத போது விஷம் குடித்து தற்கொலைக்கு முயன்றார்.

அவரை குடும்பத்தினர் மீட்டு திண்டுக்கல் அரசு மருத்துவமனையில் சிகிச்சைக்காக சேர்த்தனர். அங்கு திவிர சிகிச்சை அளிக்கப்பட்டும் பலனின்றி நேற்று அவர் பரிதாபமாக இறந்தார். இதுகுறித்து வடமதுரை போலீஸ் சப்-இன்ஸ்பெக்டர் கிருஷ்ணவேணி வழக்குப்பதிவு செய்து விசாரணை நடத்தி வருகிறார்.