காளைவிடும் திருவிழா

கண்ணமங்கலம்,

கண்ணமங்கலம் அருகே உள்ள கீழ்வல்லம் கிராமத்தில் இன்று 51-ம் ஆண்டு காளைவிடும் திருவிழா நடைபெற்றது. இந்த விழாவில் பல்வேறு ஊர்களில் இருந்து 200-க்கும் மேற்பட்ட காளைகள் கலந்து கொண்டு வீதியில் வேகமாக ஓடியது.

இதில் வேகமாக ஓடி முதலிடம் பெற்ற காளைகள் உள்பட 45 காளைகளுக்கு ரொக்கப் பரிசுகள் வழங்கப்பட்டது.

காளைவிடும் திருவிழாவை வேலூர் உதவி கலெக்டர் பூங்கொடி, துணை போலீஸ் சூப்பிரண்டு திருநாவுக்கரசு, இன்ஸ்பெக்டர்கள் பார்த்தசாரதி, ஜாகிதா உள்பட 50 போலீசார் பாதுகாப்பு பணியில் ஈடுபட்டனர்.

காளைவிடும் விழாவை வேடிக்கை பார்க்க வந்த 7 பேரை மாடுகள் முட்டியதில் லேசாக காயமடைந்தனர். அவர்கள் சிகிச்சை பெற்று வீடு திரும்பினர்.

விழா நடந்த தெருவுக்கு அருகே, வேலூர் திருவண்ணாமலை மெயின்ரோடு உள்ளதால் சில காளைகள் மெயின்ரோடு வழியாக கண்ணமங்கலம் புதிய சாலை பகுதியில் ஓடியது. இதனால் அவ்வழியே வந்தவர்கள் அதிர்ச்சி அடைந்தனர்.

விழாவுக்கான ஏற்பாடுகளை விழாக்குழுவினர், இளைஞர்கள், கிராம பொதுமக்கள் செய்திருந்தனர்.