எஸ்.டி.பி.ஐ. கட்சி செயல்வீரர்கள் கூட்டம்

மயிலாடுதுறை:

மயிலாடுதுறையில் எஸ்.டி.பி.ஐ. கட்சியின் செயல்வீரர்கள் கூட்டம் நடந்தது.கூட்டத்திற்கு மாவட்ட தலைவர் ஆத்தூர் பைசல் ரகுமான் தலைமை தாங்கினார். மாவட்ட பொதுச் செயலாளர் சங்கை ரபி, தொழிற்சங்க மாவட்ட தலைவர் சாகுல் ஹமீது, மயிலாடுதுறை தொகுதி தலைவர் அப்துல்காதர் ஆகியோர் முன்னிலை வகித்தனர். வருகிற 21-ந்தேதி கட்சியின் 14-ம் ஆண்டு தொடக்க தினத்தை முன்னிட்டு பல்வேறு நலத்திட்ட உதவிகள் வழங்குவது. அடுத்த மாதம்(ஜூலை) 3- ந் தேதி மயிலாடுதுறையில் அரசியல் எழுச்சி பொதுக்கூட்டம் நடத்துவது என்பன உள்ளிட்ட பல்வேறு தீர்மானங்கள் நிறைவேற்றப்பட்டன. இதில் நூற்றுக்கும் மேற்பட்ட நிர்வாகிகள், தொண்டர்கள் கலந்து கொண்டனர்.முடிவில் மாவட்ட செயலாளர் முகமது ரவூப் நன்றி கூறினார்.