சிவந்தி மெட்ரிக் மேல்நிலைப்பள்ளியில் விளையாட்டு விழா

சேரன்மாதேவி:

சேரன்மாதேவி சிவந்தி மெட்ரிக் மேல்நிலைப்பள்ளியில் 40-வது ஆண்டு விளையாட்டு விழா நடைபெற்றது. விழாவிற்கு பள்ளி செயலர் காமராஜ் தலைமை தாங்கினார். பள்ளி முதல்வர் மரியஹெலன் சாந்தி விளையாட்டு விழா ஆண்டறிக்கையை சமர்ப்பித்தார். விழாவில் சாரண, சாரணியர் மற்றும் செஞ்சிலுவை சங்க மாணவர்களின் அணிவகுப்பு நடைபெற்றது. தொடர்ந்து விளையாட்டு விழா, சிலம்பாட்டம் மற்றும் மாணவர்களின் கலைநிகழ்ச்சிகள் நடைபெற்றது. பல்வேறு விளையாட்டுப் போட்டிகளில் வெற்றி பெற்ற மாணவர்களுக்கு பதக்கங்கள் வழங்கப்பட்டன. விழாவில் பள்ளி ஆசிரியர்கள், அலுவலக பணியாளர்கள், மாணவ-மாணவிகள், பெற்றோர்கள் உள்பட பலர் கலந்து கொண்டனர். பள்ளி மாணவர் ஜோகன் ராஜா வரவேற்றார். மாணவி மஞ்சுஸ்ரீ நன்றி கூறினார்.