முருகன் கோவில்களில் சிறப்பு பூஜை

கூடலூர்,

மாதாந்திர சஷ்டி தினத்தையொட்டி நேற்று முருகன் கோவில்களில் சிறப்பு பூஜைகள் நடைபெற்றது. கூடலூர் குசுமகிரி முருகன் கோவிலில் காலை 6 மணிக்கு அபிஷேக, அலங்கார சிறப்பு பூஜை, 11 மணிக்கு பாலாபிஷேகம் நடைபெற்றது. பின்னர் சிறப்பு அலங்காரம் செய்யப்பட்டு மகா தீபாராதனை காண்பிக்கப்பட்டது.

இதேபோல் கூடலூர் 1-ம் மைல் சக்தி முருகன், சந்தன மலை உள்பட அனைத்து முருகன் கோவில்களிலும் சிறப்பு பூஜைகள் நடைபெற்றது. இதில் திரளான பக்தர்கள் கலந்துகொண்டு தரிசனம் செய்தனர்.