பூவாடை காரியம்மன் கோவிலில் நவராத்திரி சிறப்பு பூஜை

மொரப்பூர்:

கம்பைநல்லூரில் உள்ள பூவாடை காரியம்மன் கோவிலில் நவராத்திரி விழாவையொட்டி சிறப்பு பூஜை நடந்தது. இதையொட்டி அம்மனுக்கு அபிஷேகம், ஆராதனை நடைபெற்றது. விழாவையொட்டி கோவில் வளாகத்தில் கொலு வைக்கப்பட்டு சிறப்பு பூஜை நடத்தப்பட்டது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர். பக்தர்களுக்கு அன்னதானம் வழங்கப்பட்டது. இதற்கான ஏற்பாடுகளை விழாக்குழுவினர் செய்திருந்தனர்.